LOCKDOWN WALA INDEPENDENCE

 Saansein thee nam,

 hawaaon mein shor tha thoda kam,

uss bheed ko sadak par na hone ka tha thoda gam, 

aaj pehli baar 15 august par joote chamkakar ghar se nahin nikle the hum.

Toa kya hua ,                                                                                                                 

            Agar aaj unn taliyon ki goonj kaanon mein nahi goonji, jo sirf ek lambe bhashand se chutkara paane par bajti thee,                                                                                   

           Agar aaj wo laddoo nahi khane ko mile, jo aksar packet mein rakhe rakhe chapte ho jaaya  karte the, 

 Agar aaj doston ke saath programme ke baad kahin bahar ghoomne ka plan nahi ban paya,  

 Agar aaj rashtra gaan ke bol ko kaanon se seedha dil ka raasta na mil paya, 

 Agar aaj tirange ko aasman mein lehrata dekh haath apne aap hi salaami na de paya.

Chalo kam se kam,  

Uss kabhi na khatam hone wala bhashand ko  toa miss kiya,                                                                       

Unn chapte laddoon ko khane ko toa dil lalchaya,                                                                               

 Phir ek bahane se toa doston ki yaad ne sataya,                                                                                                  

Bina rashtra gaan sune hi dil mein garv toa mehsoos ho paaya,                                                                    

Iss lockdown ne phir ek baar yaad dilaya ki tirange ko aasmaan mein nahi dil  mein hai lehraya.

• Hey everyone!!!!! Happy independence day .May i get the pleasure of bringing smile on your faces. I hope you all will love it. please comment if you love it.☺